МухIаммад ХирамухIаммадов

Автор: admin     Категория: Магомед Хирамагомедов45121 просмотров

Магомед-Хирамагомедов2

Хъахlилал зобазе багlар бакъ гlадин,
Къасисел сардазе щагьримоцl гlадин,
Гlидрадул байдабахъ ихдал тlегь гlадин,
Гьечlого гlоларо аскlой рекlел тегь.

********

Цо къоялда херай, базаралдасан,
Рокъое къокъунеб нухде яхъана.
Къайиялъул цlура таргьаги босун,
Мугъалда гьебги лъун уней йикlана.

Нухда данде ккарав гIолилас гьелде,
Рахlмуялъул квер кьун калам гьабуна.
Гьеб мугъалда бугеб таргьа босизе,
Жиндихъе кьейилан гьелда гьарана.

Йохуца хъолаго кlодоца тlаргьа
Кумек къабул гьабун гьесухъе кьуна,
Мугъалъе бакlаб гьир, тlасан босидал,
Кlодо гIолиласда цlакъ разилъана.

Дин, Ислам рихараб тухумалдаса,
Кlодое Авараг вокьулароан.
Гьев вецун рицунел харбалги, гьелъул,
Хьиялазул рокъоб бецlлъи букlана.

Рокъоре щвезегlан кlодоца нухда,
Мухlаммад рихарал харбал рицана.
Хъалкъалда гьоркьоб гьес рикьи гьабулин
Гьерсаздалъун гlузру къватlиб гьуршана:

«Умумуз нилъее ирсалъе тараб,
Тlагlат Гьес тlекъабин абулеб буго.
Тlагlам нилъей кьолел хъанчазеги Гьес,
Лагълъи гьабугеян абулеб буго.»

Гlолилав абуни, сабуралда чlун,
Гьелъухъ гlинги тlамун унев вукlана.
Гьалъ рицунел ругел гьерсаздеги Гьес,
Я инкар гьабичlо, я тlад рекъечlо.

Гьалъул къайиялъул, къавухъе щведал,
Кlодоца васасе баркала кьуна.
Къайиялъул цlураб таргьаги босун,
Дуда цlар шибилан, Гьесда гьикъана!

Нечадго гlолилас гlодовги къулун,
Кlодол суалалъе жаваб гьабуна:
«Дида цlар МУХlАММАД, Гlабдулагьил вас!
Хъалкъалде рахlматлъун витlарав Расул!»

Кlодол чlегlер берал, магlица цlуна,
Ничалъ, гьелъул гьумер, гlетlуд бецIана
ХlАБИБУЛАГЬАСУЛ рахlму бихьидал,
Кlодоца дин, ИСЛАМ, къабул гьабуна!

МАШААЛЛГЬ гьале, ХlАБИБУЛАГЬАС!
Муъминазул рекlелъ иман бекьараб.
Хъвалчен хьвагlичlого, ххеч тункичlого,
Рахlмуялдалъун Гьес, дагlват гьабураб!

********

РАСУЛ

Магlарул мацlалда цlалулеб мехъалъ,
Цlар ракlалъ дур ккола Расул кидаго.
Адабияталъул бицунеб мехъалъ,
Бицадулъ Хlамзатов вукlуна цеве.

Дагъистаналъул цlум, дуйналалъул цlва,
Цlар Расул кидаго кlочон теларо.
Халкъалъул бечелъи, магlарул чlухlи,
Тухъум Хlамзатилал даим букина.

Боржун унеб буго къункърабазул тlел,
Расулил гlагарлъи, вацал, тlолалго
Гьезул чатlиралъуб гьитlинаб манзил,
Гьеб камун бихьидал рак къварилъула,

Мунгун гьавураб къоялъ Дагъистаналда,
Щивасул къавудахъ байрам букlуна,
Мун нижги тун араб замана щвани,
Магlарулаз цоцалъ зигари бала.

Дуца гуриш Расул Дагъистаналъул,
Цlар дуйналалда тlад рагlизабураб.
Дур каламалъ гуриш магlарул миллат,
Миллитазда гьоркьоб тlадегlанлъараб.

Дур куплеталъ гуриш нижер солдатал,
Хъахlал къункърабигун югалде арал.
Хъахlилаб зодикьан чатlирал гьарун,
Хинал улкабазде даим роржарал.

Хъахилаб зодикьан хlанчlазул мацlалъ,
Рес батани ахlе, Мухlаммадилан
Ва Дагъистан, улка, тlолго дуниял,
Цlунайгиян гьаре БЕТlЕРГЬАНАСДА!

********

Бакъул нур лъалхъараб, гвангъараб гьумер,
Тlокlалъ бихьиладай, бихьилародай.
Моцlроде кунчlулел, чlегlерал берал,
Тlокlалъ данд чlваладай, данд чlвалародай.

Дуниял роцlунеб, роцlараб калам,
Тlокlалъ рагlиладай, рагlилародай.
Гьинал ракlбиунеб, берцинаб гьими,
Гьимизе щвеладай дий тlокlалъ мунгун.

Минуталгун къес бан, къоял къокъуна.
Къо араб гlадинан лъагlелги уна.
Хасел ун, их щола, гъутlбиитlегьала.
Хирияй мун дида, кlочон толаро.

Хъахlилал зобазе багlар бакъ гlадин,
Къасисел сардазе щагьримоцl гlадин,
Гlидрадул байдабахъ ихдал тlегь гlадин,
Гьечlого гlоларо аскlой рекlел тегь.

********

Микидул кваркьи гlaдал тамахал дур квераца,
Биинегlан биччанте лъухьизе дир лага-черх.
Кваркьида хlули гlадал хlеренал дур килшаца,
Изну кье беэдизе чорхол нусабго лага.

Баршараб пихъ гlадинал, гьурмалъ гьуинал кlутlбулъ,
Виччай дун гlишкъуялда тlадтlалаго къочине.
Роол тlугьдуз рахчарал щобалъ къараб хlор гъадал,
Гъваридал чlегlер бералъ, квачlбан лъедезе те дун.

Ахикь булбулалъ гlадин,ахlе дуца дие кечl.
Чlалгlен нахъчlвазабизе, бичай хlайранаб бакъан.
Хlалимлъиялъ гудур гъун, чанлъун асир гьаве дун.
Гьайбатлъиялъ чlор речlун, лъукъе дир каранда ракl.

********

Булбул хlанчlил тlинчl буго, гьаваялда свердулелеб.
Сурмияб микки буго, дир рагъида бусен лъун.
Мугlузул жайран буго, дир ицухъ лъим гекъолеб.
Махl берцинаб тlегь буго, дир гъотол рогlжукь бижун.

Булбулалъул хьинчlалъ дий, рогьалилъ ахlула кечl.
Миккиялъул гъургъуралъ, гъар-гъар бала черхалда.
Мугlузул жайраналъул, буго дие берцинлъи.
Гъотlокь бугеб тlогьоде, бикьула дица рокьи.

********

РОГЬАЛИЛ КАК

Рорхатал муlрузда магlарул росулъ,
Будунасул гьаракь рагlулеб буго.
Рахlматал рикьулеб, рогьалил гlужалъ,
Рогьалил как, гьале, ахlулеб буго.

Михlмаралде вахун, гьес ХlАБИБАСУЛ,
Уммат, хвасарлъуде, ахlулеб буго.
Ахираталъул рукъ, берцин гьабизе,
АЛЛАГЬАСУЛ рокъор рачlаян вуго.

АЛЛАГЬ кlодо гьавун, такбирги бачун,
Гьев жамагlаталде вусунев вуго.
Жамагlат как базе, фарз тlобитlизе,
Тlолалго рачlинин гьесул хьул буго.

АЛЛАГЬ цо вугилан, шагьадат битlун,
АХlМАД, гьесул расул вугин абуна.
Кlицlул такрар гьабун берцинаб гьаракь,
Кьурабазул сирталълъ, кьварун багъана.

Хlаййала ахlи, бан, гьес росу цоял,
Рогьалил как базе, ахlулел руго.
Абадияб рокъоб, гlазабалдасан,
Цlуни тlалаб гьабун, щвелин къасд буго.

Будунасул гьаракь, магlарул росулъ,
Щивасул къавулъе, щущалеб буго.
Берцинаб гьаркьида, щивасул каранлъ,
Исламалъул квералъ кlутlулеб буго.

Жея гlолохаби, рачlа киналго,
Рогьалил как базе мажгиталъуре,
Рахlматал рикьулеб, рогьалил гlужалъ,
Жамагlат как цадахъ, тlобитlун базе!

Бокьанищ? Бице цойгияздаги.

Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники

Метки: ,

4 комментария на “МухIаммад ХирамухIаммадов”

  1. Абдулла сказал:

    ав автор мединституталда ц!алуле вук!аниш?

  2. Мухlаммад сказал:

    Дун мед институталда цlалулев вукlана!!!
    +79604169489

  3. Абдулла сказал:

    309 комнаталда вук!анищ общагалда ???

  4. Мухlаммад сказал:

    Вукlана

Оставить комментарий

Подтвердите, что Вы не бот — выберите человечка с поднятой рукой: